قديش يا حلوي زايد حلاكي*****يا ربي خالقك متل الملاكي

يا جرح الحب خلخلي شعوري*****يا ويلي كيف بدي اقعد بلاكي

يا جرح الحب خلخلي شعوري*****غرامي بمحبتكن بدلي سروري

أيمتى يا حلوي داري تزوري*****ويفرح قلبنا ساعة لقاكي

يفرح قلبنا لّمن أشوفك*****لمن يا فرحتي تحني كفوفك

ونحنا نصير بمحلك ضيوفك***** وما بهمنا إلا رضاكي

وما بهمنا إلا تكوني*****حنوني بمحبتنا حنوني

كأس السم منك لو سقوني*****فداكي بروحي يا عمري فداكي

فداكي بروحي يا غلت جروحي*****بس بشرط بالسر لا تبوحي

كل نهار صوب القبر روحي*****روحي وسمعي روحي بكاكي

روحي وسمعي روحي نحيبك*****أصحي تكفر هذا نصيبك

أصحي يا بنت تنسي حبيبك*****حبيبك مات على مذبح هواكي